A cirurxía ortopédica é a especialidade cirúrxica que se ocupa das afeccións, deformidades e lesións do aparello locomotor, o cal comprende principalmente os ósos, articulacións, tendóns e músculos.

MISIÓN

Proporcionarlle atención especializada en cirurxía ortopédica á Área Sanitaria de Pontevedra e O Salnés coa máxima eficacia, eficiencia, rendibilidade e calidade posibles; participar e contribuír cos obxectivos institucionais e de xestión do hospital, así como coas políticas de empresa que este estime oportunas.

Integrarse, asesorar e capacitar os dispositivos de atención primaria do Departamento de Saúde; adoptar un adecuado plan de formación docente, continuo e continuado; potenciar a actividade investigadora nas materias que lle competen.

VISIÓN

Conseguir que o servizo sexa recoñecido como un provedor de servizos de saúde integral, cunha carteira de servizos adecuada ás necesidades da súa poboación de referencia, mediante formas eficientes e innovadoras de provisión de coidados.

O paciente é a razón principal do servizo e todos os esforzos e atencións da organización deben virar ao redor del.

Conseguir un alto nivel de motivación e satisfacción na súa contorna laboral.

Conseguir un alto nivel de recoñecemento profesional e satisfacción dos pacientes.

VALORES

É un servizo público que garante as prestacións e servizos asistenciais con carácter gratuíto e universal, equitativo, que lle proporciona ao cidadán un trato xusto en función só das súas necesidades médicas, respectuoso coa persoa e a súa liberdade, comprometido coa calidade profesional.

Localízase na 3.ª planta do Hospital Montecelo, onde ocupa as dúas ás de hospitalización, cun total de 57 camas, das cales 7 son individuais e o resto dobres.

As 5 consultas, a sala de curas e a de xesos sitúanse na planta 0 do dito hospital.

CONTACTO

Secretarías: 3.ª planta. Teléfono: 986 800 109 - 986 800 112 - 986 800 938

Asistencia xeral integral en traumatoloxía e cirurxía ortopédica, con división de unidades funcionais por situación anatómica e/ou complexidade técnica.

Modalidades de asistencia:

• Hospitalización especializada, hospitalización a domicilio, atención ambulatoria centralizada en hospital e en centros de especialidades:
• Cirurxía maior convencional con ingreso
• Cirurxía maior sen ingreso (CMA)
• Cirurxía con extensión local, atención especializada continuada de urxencias ininterrompida
• Unidade de Traumatoloxía: tratamento inicial e diferido do politraumatizado
• Tratamento ortopédico, non cirúrxico, de fracturas e luxacións
• Tratamento cirúrxico con osteosíntese de fracturas e as súas accións
• Tratamento cirúrxico de fracturas mediante artroplastia.
• Tratamento de complicacións das fracturas: pseudoartrose, osteomielite

UNIDADE DE CADEIRA

• Cirurxía artroscópica diagnóstica, cirurxía protésica: implantes primarios parciais e totais, rescates, revisións e recambios. Cirurxía de fracturas con osteosínteses especiais. Osteotomías e artrodeses
• Cirurxía de fémur ou acetabular
• Reparación articular: ligamentos e inestabilidades
• Cirurxía de partes brandas
• Reparación de lesións cartilaxinosas

UNIDADE DE XEONLLO

• Cirurxía artroscópica diagnóstica, reparación artroscópica: meniscos, ligamentos, enxertos osteocondrais
• Cirurxía protésica: primaria total, unicondilar, rescates, revisións e recambios protésicos, próteses especiais para grandes deformidades por causas traumatolóxicas ou tumorais. Cirurxía femoropatelar
• Cirurxía das fracturas con osteosínteses especiais
• Osteotomías, artrodeses e alongamentos óseos
• Reparación articular dos ligamentos, inestabilidades
• Cirurxía de partes brandas
• Reparación de lesións cartilaxinosas

UNIDADE DE NOCELLO E PÉ

• Artroscopia de nocello, cirurxía minimamente invasiva do hallux e do resto de dedos, cirurxía traumatolóxica con sínteses especiais
• Cirurxía protésica de nocello e dedos
• Reparación articular: ligamentos, inestabilidades
• Cirurxía de partes brandas
• Reparación de lesións cartilaxinosas
• Cirurxía de malformacións conxénitas
• Cirurxía en deformidades: pé zambo, plano, equino. Cirurxía do pé reumático. Osteotomías, artrodeses e alongamentos óseos

UNIDADE DE OMBREIRO E CÓBADO

• Cirurxía artroscópica: subacromial, reparacións de manguito, inestabilidades e lesións SLAP
• Cirurxía protésica de ombreiro, hemiartroplastias, próteses, próteses invertidas
• Primaria, rescates, revisións e recambios
• Cirurxía protésica do cóbado total, cabeza de radio
• Cirurxía de fracturas, osteosínteses especiais
• Reparación articular: ligamentos, inestabilidades
• Cirurxía de partes brandas
• Reparación de lesións cartilaxinosas. Osteotomías, artrodeses

UNIDADE DE PULSO E MAN

• Cirurxía artroscópica do pulso
• Cirurxía protésica trapeciometacarpiana e dedos
• Cirurxía traumatolóxica con osteosínteses especiais
• Cirurxía tendinosa
• Cirurxía de inestabilidades
• Osteotomías, artrodeses
• Cirurxía da man reumática
• Cirurxía de partes brandas e compresión nerviosa

UNIDADE DE COLUMNA

• Patoloxía dexenerativa de columna lumbar (discectomías e artrodeses)
• Patoloxía traumática de columna lumbar
• Biopsias, infeccións
• Rizolises
• Cifoplastias
• Espazadores interespinosos
• Bloqueos fasciculares

UNIDADE DE INFECCIÓNS PROTÉSICAS (IPAS)

• Fomado por un traumatólogo espacializado en IPAS e un infectólogo do Servizo de Medicina Interna e do de Microbioloxía
• Tratamento antibiótico e cirúrxico das infeccións de próteses articulares
• Desbridamento e limpezas articulares en infeccións agudas
• Substitución articular en dous tempos en infeccións crónicas

Ofértase anualmente 1 praza de médico interno residente (MIR) de cirurxía ortopédica e traumatolóxica (COT).

Particípase na formación de MIR doutras especialidades como Medicina de Familia, Rehabilitación etc.

Organízanse diferentes congresos e relatorios: SOGACOT 2013 e SEPES 2018.

Realízanse sesións semanais, os venres, dos casos precirúrxicos e de pacientes postoperados e sesións bibliográficas, así como revisión clínica de casos complexos.

Sociedade Galega de Cirurxía Ortopédica e Traumatoloxía: SOGACOT.ORG

Sociedad Española de Cirugía Ortopédica y Traumatología: SECOT.ES

Sociedad Europea de Traumatología y Cirugía Ortopédica: EFORT.ORG

Sociedad Americana de Cirugía Ortopédica y Traumatología: AAOS.ORG​​​