Ventaxas
As unidades asistenciais que reciban pacientes con tarxeta AA, facilitarán o seu acompañamento permanente e daranlles unha consideración de accesibilidade preferente, tanto na atención urxente (dentro da súa prioridade clínica) como na atención programada, axustándose no posible ao horario de citación establecido, para minimizar a súa espera.
Patoloxías que recolle
Na actualidade encóntranse declaradas como patoloxías nas que debe favorecerse a accesibilidade e o acompañamento: os trastornos xeneralizados do desenvolvemento de Espectro Autista, o Alzhéimer, a Parálise cerebral e a Discapacidade intelectual grave asociada a trastornos de conduta e/ou problemas de comunicación.
Non obstante, a petición dos centros sanitarios e ás unidades xestoras con responsabilidade neste proceso de atención, o Servizo Galego de Saúde e a Consellería de Sanidade poderán emitir a tarxeta sanitaria ou documento de prestación da asistencia sanitaria cun distintivo específico “AA” e aplicar os procedementos e protocolos regulados, a pacientes que presenten trastornos cognitivos ou de memoria, trastornos de conduta e problemas de comunicación que requiran de axuda e acompañamento permanente, independentemente da patoloxía padecida ou diagnosticada.
Procedemento para a súa emisión:
Instrución 9/2018 de 12 de decembro de 2018