A Dirección de Recursos Económicos enmárcase dentro da Área Sanitaria de Pontevedra e O Salnés, tal e como se recolle no Decreto 134/19, do 10 de outubro, polo que se regulan as áreas sanitarias e os distritos sanitarios do Sistema Público de Saúde de Galicia.
Baixo as directrices da Xerencia da área, dirixe a xestión económica e orzamentaria, as compras de bens e servizos, a xestión patrimonial, a loxística, o mantemento e conservación e os servizos xerais, que veñen a constituír o apoio necesario para a prestación da asistencia sanitaria da nosa área de saúde.
Está situada no antigo edificio de Sanidade, sito na avenida de Vigo, 16. É unha área continua e común que fomenta o traballo colaborativo e participativo entre as diferentes áreas de xestión que dan servizo a todas as estruturas da Área Sanitaria de Pontevedra e O Salnés (Hospital Montecelo, Hospital Provincial, Hospital Público do Salnés e os 44 centros da rede de atención primaria).
Traballa cun sistema de formulación de obxectivos anuais e é a responsable da implantación e seguimento da xestión ambiental ISO 14001 no Complexo Hospitalario Universitario de Pontevedra.
O detalle de servizos dependentes da Dirección de Recursos Económicos é a seguinte:
- Subministración
- Concertos e prestacións
- Contratación administrativa
- Facturación e ingresos
- Xestión económica
- Xefatura de persoal subalterno
- Mantemento
- Hostalería
- Loxística e servizos xerais
- Control orzamentario e sistemas de información de Recursos Económicos
Ademais, conta coas unidades de:
- Inventario
- Apósitos e depósitos