A lactación materna é un acto natural, con múltiples beneficios para nais, fillos, familias e sociedade.
Durante este proceso poden xurdirnos dúbidas nas que necesitamos sentirnos apoiadas desde o embarazo ata o destete. Moitos estudos demostran que o acompañamento de familiares, profesionais sanitarios e grupos de apoio son fundamentais no inicio e no mantemento da lactación.
Que é a consulta de lactación?
A consulta de lactación do Hospital do Salnés empezou a súa andaina en xaneiro de 2023.
Creouse para prestar unha atención global á lactación materna, proporcionando información durante o embarazo, asistencia durante o ingreso na planta de maternidade e solución ás dúbidas que xurdan durante o tempo que a nai aleite o seu fillo tras a alta e ata o destete.
Tamén apoia as nais que decidiron darlles fórmula artificial aos seus fillos, tras estaren debidamente informadas, instruíndoas nos coidados que fomenten o vínculo nai-acabado de nacer e na preparación e administración correcta do sucedáneo da lactación materna.
En definitiva, ofrece un asesoramento adaptado á situación concreta de cada nai e á da súa familia.
Quen está á fronte da consulta?
A persoa que a asesorará é unha matrona e, ademais, consultora de lactación materna certificada (IBCLC, International Board-Certified Lactacion Consultant), que posúe habilidades e coñecementos para proporcionarlle axuda cualificada sobre a lactación materna.
Como podo acceder á consulta de lactación?
No momento da alta facilitaráselle o teléfono da consulta, para que poida solicitar atención telefónica ou presencial, dependendo do motivo que a preocupa.
Se non deu a luz no noso hospital, os teléfonos nos que pode solicitar apoio para a lactación son:
- Luns a venres (8.00-15.00 h): 689 291 398
- Tardes e fins de semana: 986 568 058
En que me poden axudar?
Na consulta de lactación abordamos calquera situación que se poida presentar ao redor da lactación materna:
- dúbidas durante o embarazo sobre se poderá aleitar (enfermidades propias, malas experiencias previas),
- dor ao aleitar, gretas,
- dificultades de agarre ao peito,
- ingurxitacións,
- insuficiente ganancia de peso,
- obstrucións, mastites, hiperprodución...
- freo sublingual/anquiloglosia,
- compatibilidade de fármacos e enfermidades maternas coa lactación materna,
- incorporación ao traballo: extracción de leite e conservación da lactación materna,
- relactacións ou indución da lactación,
- destete
- e calquera outra circunstancia que a preocupe.
Outros servizos da consulta de lactación:
- Banco de libros relacionados coa lactación materna e a crianza.
- Charlas informativas (2 xoves ao mes):
- Cales son as necesidades dos nosos nenos tras naceren.
- Comportamentos normais dos acabados de nacer durante os primeiros días.
- Contacto pel con pel e inicio temperán da lactación.
- Beneficios da lactación materna.
- Sinais de fame.
- Correcta técnica para aleitar: postura da nai, posición e agarre do bebé.
- Interferencia de chupetes e de mamadeiras nun neno coa lactación materna.
- Sinais que nos indican unha correcta alimentación.
- Coidados da pel, do cordón…
- Porte.
- Extracción prenatal de costro.
Lembre que o feito de estarmos informadas permítenos tomar as decisións correctas, así como afrontar dificultades da mellor maneira posible.
Ligazóns
Páxinas WEB:
Parir en el siglo XXI, documental interactivo.
Federación de Matronas de España: Iniciativa Parto Normal. Guía para Madres y Padres.
Ministerio de Sanidade: Plan de Parto y Nacimiento.
Ministerio de Sanidade: Atención al Parto Normal. Guía dirigida a mujeres embarazadas, a futuros padres, así como a sus acompañantes y familiares.
Ministerio de Sanidade: Pastillas para el dolor del parto.
Ministerio de Sanidade: Guía para las mujeres que amamantan.
Asociación Española de Pediatría: Preguntas más frecuentes sobre lactancia materna.
Canal UNED: Documental Un cambio de paradigma en la asistencia al parto (I).
Canal UNED: Documental Un cambio de paradigma en la asistencia al parto (II).
Canles youtube:
Programa TELEITE: Unha formación á carta en lactación materna.
Ebrefisio.
Cristina Martínez Miró (ioga).
Suelo Firme (suelo pélvico).
Ola matrona. A Coruña.
Asociación Galega de Matronas.
LactApp (lactanción materna).
Páxinas instagram:
Comadrona en la Ola. Naza Oliveira Belart. @comadronaenlaola
Laia Casadevall. Matrona. @laiacasadevall_matrona
Shiran Efraty. Matrona. @shiranefraty
Fotos: